Ĕнер, ака уйăхĕн 29-мĕшĕнче, Муркаш районĕнчи А.Г.Николаев ячĕллĕ Калайкассинчи пĕтĕмĕшле пĕлӳ паракан вăтам шкулта «Чăваш ачи чăвашах» республика шайĕнчи 3-мĕш фестиваль иртрĕ. Фестивале килнĕ хăнасем шкул ачисемпе кар тăрса уява вăйă картипе пуçларĕç. Чăваш Республикин вĕренӳ институчĕн ректорĕ Юрий Николаевич Исаев пурне те саламларĕ, ăмăртусенче ăнăçусем сунчĕ. Шкул директорĕ Татьяна Аркадьевна Ершова тăван шкула аталантарас ĕçре ырми-канми тăрăшнăшăн Евгений Евстафьевич Ерагина Калайкасси шкулĕн Хиспелĕ Гражданинĕ ятпа чысларĕ. Фестиваль Колдашова С.У. çырнă «Чăваш ачи» гимнпа уçăлчĕ.
Юрă вĕçленнĕ хыççăн халăх виçĕ секцине пайланчĕ.
    «Савăнатăп эп чăваш пулнишĕн» ăмăртăва кĕçĕн класс ачисем хутшăнчĕç. Кунта 1-4 классенче вĕренекен ачасем чăваш халăхĕн пĕр-пĕр йăлине кăтартса пачĕç. Кайран Никита Тĕнче велопутешественникпа тĕл пулĕç.
   «Сар каччăпа сарă хĕр» ăмăртура 7-9 классенче вĕренекен яш-кĕрĕм чăваш халăх историне, культурине, чĕлхине, йăли-йĕркине пĕлнине кăтартрĕ. Унтан Артем Сергеевич Федеринчикпа, Чăваш Республикин вĕренӳ институчĕн регион аталанăвĕ центрĕн ĕçтешĕпе, калаçрĕç.
   «Вĕрентетпĕр чăвашла» ăмăртура 5-11 классенче чăваш чĕлхи предметне вĕрентмен учительсем хутшăнчĕç, чăвашла уроксем кăтартрĕç. Конкурсра хутшăнакансене вĕренӳ институчĕн ĕçтешĕсем тата чăваш чĕлхипе литературине вĕрентекенсем хакларĕç. Урока йĕркеленине, темăна интереслĕ те кăсăклă пама пултарнине, тăван халăх историйĕпе культурине урок темипе çыхăнтарма пĕлнине, вĕрентекен пуплевĕн пахалăхне, чăвашла тĕрĕс те таса калаçма пултарнине, урокра тĕрлĕ меслетсемпе мелсене усă курма, ачасене хавхалантарса ĕçлеттерме пĕлнине хакларĕ. Унтан вĕсем «Шкул ачисен патр ... Читать дальше »