Чăваш Республикин вĕренÿ институчĕ 2021 çулхи раштав уйăхĕн 28-мĕшĕнчен пуçласа 2022 çулхи пуш уйăхĕн 01-мĕшĕччен сценарисен «Чăвашла уяв янратăр!» конкурсне ирттерчĕ.
    Конкурса мухтава тивĕçнĕ ентешсене халалланă чăвашла мероприятисен сценарийĕсене виçĕ номинаципе йышăннă: «Класс сехечĕн сценарийĕ», «Уроксем хыççăнхи мероприятисен сценарийĕ», «Ача садĕнче ирттермелли уяв сценарийĕ».
    Çĕнтерÿçĕпе призёрсем хушшинче Элĕк шкулĕнчи 1-мĕш «б» класс ертỹçи — Фаина Николаевна Тихонова. Саламлатпăр!