Нарӑс уйӑхӗн 15-19-мӗшӗсенче 7 «в» тата 7 «а» классенче «Чӑваш тӗрри - халӑх пуянлӑхӗ» ятлӑ проект урокӗсем  иртрӗç. Тăван чăваш чӗлхипе литературине вӗрентекен Константинова А.Е. тӗрӗ чӑвашсен чи авалхи искусствисенчен пӗри пулни пирки чарӑнса тӑчӗ, ачасем «Илемлӗ чӑваш тӗрри» презентаци пӑхрӗҫ. Ҫавӑн пекех 7-мӗш класра вӗренекенсем чӑваш тӗрри ҫинчен П.Хусанкай, Светлана Асамат ,       В.Давыдов - Анатри ҫырнӑ сӑвӑсене вуларӗҫ. Ачасем «Чӑваш тӗррин пӗлтерӗшӗ» текстпа ӗҫлесе тӗрӗри паллӑсем, ҫӗвӗсем, мӗнле тӗссемпе тӗрленине вуласа пӗлме пултарчӗҫ. Урок ачасем хатӗрленӗ «Чӑваш эрешӗсем» проект ӗҫӗсемпе вӗҫленчӗ.
  Ҫавӑн пекех ачасем наци библиотеки йӗркеленӗ «Чӑваш тӗрри илемӗ» виртуаллӑ выставкӑн ӗçӗсемпе паллашма пултарчӗҫ.